لا ضاق صدرك يا هوى البال ضقنا
وأن ضاقتك دنياك يا شوق أن لك
هذا الزمن طبعه من الله خلقنا
لابد مايخذلك مهما صفالك
عمر الزمن لو ما أنتهينا سرقنا
تمضي بنا الأيام لا لي ولا لك
ماهو بيده يفارقني ولا كان الفراق مناه
مشى عجل وأنا داري تباعد به مقاديره
ما جاه من الزمن يكفي وأنا والله عرفت أقصاه
عزاي إنه قبل يمشي عرف ذنبه وتقصيره
حبك بقلبي حل ما والله أنساه
حل بمحلن حل محدن يحله
وقلبي ياللي كن يبراه مبراه
وملاطفه تسعه وتسعين عله
له مده مستعصين داه ودواه
الداء حصل له والدواء ما حصله
عرفتيني قاسي وجبار ومع هذا بعد مغرور
جبل لا هزه الإعصار ولا حرك معاذيره
وأظن أن اللي جذبني لك كرامة عاشق مقهور
خذا منه الزمن واجد ولا فكر بتقديره
طبعي كذا ما أحب ألف وأدور
الله خلقني واضح في حياتي
أهوى الصراحه وأكره الكذب والزور
وحبي لغيري مثل حبي لذاتي
أقولها لو قالوا الناس مغرور
حكي العواذل مايكدر مباتي
مايجدد لوعتي وأقسى حزوني
غير عمر ضاع ماعشته معاك
لو جميع الناس في حبك جفوني
يكفي إنك مخلص لي في هواك
مايطيع القلب عذال نهوني
لو يضيع العمر كله في رجاك
صورتك بالقلب تحميها جفوني
وصورة الإخلاص جسدها وفاك
تخفي هواها من حياها عن الناس
تخشى عيون الناس تجرح هواها
قالت هلا وتبسمت وأشرق الماس
وتعلقت روحي بعالي سماها
الله عليها شوفها فيه نوماس
تشفي عليل النفس بسمة شفاها
أحلى كلام الغزل بشفاك يطربني
ويداعب إحساس قلبي وأتغنابه
عشاقي كثار لكن أنت معجبني
وش يعني إن كان كلن يبدي إعجابه
ماغير حبك مدوخني ومتعبني
أضيع في سيرته وأموت وأحيابه
ثلاث حروف تأسرني وتاسرني بمعروفك
ملكت الروح في طهرك وصرت الليل ومراحه
نقشت الشين شوق العين وحرف الواو بوصوفك
وتوجته بحرف القاف عذاب القلب والراحه
الرئيسية 
البوابة 
أحدث الصور 
التسجيل 
دخول 
